Ir ao contido
← Volver a cinfo.es
Catálogo

PRODUTO · SUITE TIIVII

Multicámara

Deixa que cada espectador vexa o evento desde onde queira.

Varias cámaras sincronizadas, cambios instantáneos e sen latencia, en calquera dispositivo.

DeporteMedios e broadcasters

Contacta con cinfo sobre Multicámara Descargar ficha (PDF)

Levámoste ao formulario de contacto de cinfo con esta ficha xa indicada, para que non teñas que explicar de que se trata.

Multicámara

O RETO

Unha soa realización non pode contentar a toda a audiencia

Nun evento hai tantas historias como espectadores: o pai que busca a súa filla, o técnico que quere a panorámica táctica ou o afeccionado que quere seguir un xogador concreto.

  • A realización decide por todos

    Un único plano en emisión deixa fóra todo o demais que está a ocorrer no recinto.

  • Eventos simultáneos invisibles

    Cando se xogan varios partidos á vez, o espectador só pode seguir un.

  • Cambiar de fonte corta o directo

    As solucións habituais obrigan a recargar o reprodutor e perden a sincronía.

QUE É

Un reprodutor que dá o mando ao espectador

tiivii Multicámara é un sistema de reprodución avanzada que permite elixir entre as distintas fontes de vídeo dun evento, con cambios fluídos e instantáneos e todas as cámaras perfectamente sincronizadas.

Acceso ao sinal principal e a todas as cámaras presentes na emisión.

Interface en mosaico con todas as fontes dispoñibles á vista.

Adaptable a móbil, televisor conectado e ordenador.

Integrable nunha app ou web existente, ou despregable como interface propia.

Un reprodutor que dá o mando ao espectador

COMO FUNCIONA

Sincronizar, publicar e deixar elixir

O sistema mantén todas as fontes aliñadas no tempo para que o cambio sexa inmediato e sen saltos.

  • Cáptanse as fontes

    Cámaras do recinto, sinais doutros eventos ou webcams distribuídas por distintos puntos.

  • Sincronízanse na nube

    Todas as fontes aliñanse temporalmente, aínda que usen protocolos distintos.

  • Publícase o mosaico

    O reprodutor mostra o sinal principal e o resto de cámaras dispoñibles.

  • O espectador elixe

    Cambia de cámara cando quere, sen cortes, sen recargas e sen perder o directo.

CARACTERÍSTICAS

Unha experiencia de vídeo que non cabe nun reprodutor normal

  • Cambios sen latencia

    Paso instantáneo entre cámaras mantendo a sincronía e sen interromper a reprodución.

  • Mosaico configurable

    Grella personalizable con posicións e tamaños determinados para cada fonte.

  • Eventos simultáneos

    Todos os partidos dunha xornada accesibles desde unha única emisión.

  • Vista táctica

    O corpo técnico pode intercambiar o sinal realizado pola panorámica completa do campo.

  • Webcams distribuídas

    Cámaras en puntos de interese distintos dentro da mesma interface.

  • Multidispositivo

    Móbil, tablet, ordenador e televisores conectados coa mesma experiencia.

  • Integrable por API

    Incrústase en calquera OTT, app ou web, sexa de cinfo ou dun terceiro.

  • Alta resolución

    Soporta fontes 4K e superiores mantendo o rendemento en dispositivos modestos.

BENEFICIOS

Máis tempo de visionado e máis razóns para volver

  • Experiencia diferencial

    Algo que as grandes plataformas non ofrecen e que distingue o teu servizo.

  • Maior engagement

    O espectador que interactúa co vídeo permanece máis tempo na emisión.

  • Aproveita as cámaras xa instaladas

    As mesmas cámaras da produción automática alimentan a experiencia multicámara.

  • Utilidade profesional

    Corpos técnicos e árbitros dispoñen de vistas específicas ademais da emisión.

INTEGRACIÓNS

Incrústase onde xa está a túa audiencia

Dispoñible en tiivii OTT, pero integrable con calquera plataforma do mercado.

  • tiivii OTT

    Incluído de serie na plataforma, sen desenvolvemento adicional.

  • Webs e apps de terceiros

    Intégrase na app ou na web que xa tes publicada.

  • Produción automática

    As cámaras do recinto alimentan á vez a realización e o mosaico.

  • Fontes externas

    Webcams, cámaras de tráfico ou de turismo integradas na mesma interface.

  • Canles lineais

    Combinación de canle lineal e cámaras de apoio nunha soa pantalla.

  • APIs REST

    Alta e baixa de fontes e control do mosaico desde os teus sistemas.

MODELO DE CONTRATACIÓN

Por evento, por recinto ou integrado na túa OTT

  • Evento especial

    UN EVENTO CONCRETO

    • Interface específica do evento
    • Ata 6 fontes sincronizadas
    • Mosaico configurable
    • Publicación web
    • Soporte durante o directo

    Prezo por evento

  • Recinto

    INSTALACIÓNS CON CÁMARAS TIIVII

    • Multicámara sobre as cámaras instaladas
    • Vista táctica para o corpo técnico
    • Acceso desde web e móbil
    • Gravación de todas as fontes

    Cota anual por recinto

  • Integrado en OTT

    PLATAFORMAS TIIVII OTT

    • Incluído na plataforma
    • Xornada completa nunha emisión
    • Interface personalizada
    • Analítica de uso

    Incluído no plan OTT

Modelos orientativos. O prezo depende do número de fontes simultáneas, a resolución e o volume de tráfico.

GALERÍA

Multicámara en produción

Gala de premios con varias cámaras seleccionables.
Gala de premios con varias cámaras seleccionables.
Concerto en directo con mosaico de cámaras.
Concerto en directo con mosaico de cámaras.
Webcams da televisión autonómica galega en g24.gal.
Webcams da televisión autonómica galega en g24.gal.

CASOS DE ÉXITO

Do deporte á ópera

  • ÓPERA DE MALMÖ

    Seis cámaras e o espectador ao mando

    A ópera de Malmö dispón de seis cámaras instaladas e o usuario final decide en cada momento cal quere ver desde un mosaico interactivo.

    ÓPERA DE MALMÖ

  • TVG · G24.GAL

    Webcams do tempo e eventos especiais

    Interface de webcams para a web do tempo da televisión autonómica galega e unha interface específica para o eclipse de agosto de 2026 con canle lineal e cámaras repartidas.

    TVG · G24.GAL

  • TIIVII.TV

    A última xornada, toda nunha emisión

    Emisión simultánea de todos os partidos da última xornada da preferente galega, co espectador elixindo que campo seguir.

    TIIVII.TV

CINFO EN CIFRAS

Probado en directo

  • 6+cámaras simultáneas por evento
  • 0segundos de corte ao cambiar de cámara
  • 4Kde resolución soportada por fonte
  • +2 Mvisualizacións ao mes en redes sociais

PREGUNTAS FRECUENTES

Dúbidas sobre a experiencia multicámara

Nótase retardo ao cambiar de cámara?

Non. As fontes mantéñense sincronizadas na nube, así que o cambio é instantáneo e non interrompe a reprodución.

Teño que cambiar de plataforma?

Non. Está dispoñible de serie en tiivii OTT, pero intégrase igualmente na app ou na web que xa teñas publicada.

Cantas cámaras podo ofrecer?

Depende do recinto e do tráfico dispoñible. En instalacións habituais traballamos con entre catro e oito fontes simultáneas.

Serve para varios eventos á vez?

Si. É un dos seus usos máis habituais: toda unha xornada deportiva accesible desde unha única emisión.

Funciona en televisores conectados?

Si. O sistema adáptase a móbil, tablet, ordenador e televisores conectados, coa mesma lóxica de selección.

Serve para algo máis que para o espectador?

Tamén para o corpo técnico: a vista táctica permite cambiar o sinal realizado pola panorámica completa do campo en calquera momento.

PARA QUEN

Onde marca a diferenza

  • Competicións deportivas

    Xornadas completas, vista táctica para adestradores e seguimento de xogadores concretos.

  • Cultura e espectáculos

    Óperas, concertos e galas onde cada espectador elixe o seu punto de vista.

  • Televisións

    Coberturas especiais con cámaras repartidas por distintos puntos de interese.

  • Turismo e territorio

    Webcams de praias, montaña ou cidade publicadas nunha soa interface.

Fichas relacionadas

FALEMOS

Monta a túa experiencia multicámara

Dinos cantas cámaras tes e onde o queres publicar. Preparamos unha demo coas túas propias fontes.

Solicitar unha demo